21.02.2023
Skólakeppni Stóru Upplestrarkeppninnar var haldin á sal Stapaskóla mánudaginn 20. febrúar. Keppnin er árlegur viðburður í starfi skólans, nemendur í 7. bekk hefja formlegan undirbúning upplestrar á Degi íslenskrar tungu. Nemendur eru hvattir til að lesa og æfa sig í vönduðum upplestri með það að markmiði að vera þátttakendur í keppninni sem haldin er ár hvert. Níu nemendur unnu sér rétt til þátttöku í skólakeppninni eftir bekkjarkeppni sem haldin var sl.þriðjudag.
Lesa meira
21.02.2023
Við á leikskólastigi Stapaskóla héldum upp á konudaginn sl. mánudag en hann er fyrsti dagur mánaðarins Góu í gamla norræna tímatalinu. Sú hefð er að menn gefi konum blóm í tilefni konudagsins þannig að börnin voru búin að búa til blóm til að gefa mömmu eða ömmu.
Lesa meira
07.02.2023
Í tilefnin af degi tónlistarskóla í dag 7. febrúar fengum við nemendur frá þeim í heimsókn til okkar á leikskólastig. Það voru þær Hildur Ósk sem kom með klarínettið sitt og Telma Líf kom með þverflautuna sína. Þær eru báðar nemendur á grunnskólastigi Stapaskóla en kennarinn hennar Hildar, hún Kristín Þóra, kom með þeim og sagði börnunum aðeins frá hljóðfærunum og hvað felst í því að vera í tónlistarskóla. Síðan spiluðu stelpurnar fyrir okkur sitthvort lagið, Þorraþræll og Gamli Nói. Börnunum fannst þetta mjög áhugavert og hlustuðu vel enda lög sem við syngjum í leikskólanum. Þetta var skemmtileg heimsókn á degi tónlistarskólans.
Lesa meira
06.02.2023
Enn og aftur er appelsínugul veðurviðvörun. Skólinn er opinn og er öruggt skjól fyrir nemendur en foreldrar eru hvattir til að meta sjálfir stöðuna og fylgja börnum í og úr skóla. Meti foreldrar aðstæður svo að ekki sé óhætt að börn þeirra sæki skóla þá skulu þeir tilkynna skólanum um það og lítur skólinn á slík tilvik sem eðlileg forföll
Lesa meira
01.02.2023
Nemendur í 7. bekk tóku þátt í stuttmyndakeppni á vegum 112.is og Ungrúv. Stuttmyndakeppnin ber nafnið Sexan og er hún sett af stað í tilefni af viku sex sem er í næstu viku. Vika sex hefur verið að festa sig hægt og rólega sem vika full af fræðslu og verkefnavinnu tengdri kynfræðslu. Nemendur í Stapaskóla fóru í gegnum viku sex í fyrsta skipti í fyrra og heppnaðist mjög vel. Í ár er engin undantekning. Stuttmyndakeppnin er haldin fyrir nemendur í 7. bekk til að auka fræðslu á samþykki, nektarmyndum, tælingu eða slagsmálum unglinga. Fleiri samstarfsaðilar koma að verkefninu og munu 3 bestu myndböndin hljóta sýningu á vef Ungrúv ásamt því að verða boðið sem fræðsluefni til annarra skóla.
Lesa meira
31.01.2023
Haldið verður upp á dag leikskólans í öllum leikskólum landsins á ýmsan hátt. Tilgangurinn er að auka jákvæða umræðu um leikskólann, vekja umræðu um hlutverk leikskóla og starf leikskólakennara og kynna starfsemina út á við.
Lesa meira
31.01.2023
Leikskólinn verður lokaður vegna sumarleyfa frá 5. júlí - 8. ágúst 2023, að báðum dögum meðtöldum.
Lesa meira
31.01.2023
Föstudaginn 27. janúar kom skákmeistarinn Arnar Heiðarsson í heimsókn til okkar hingað í Stapaskóla. Þessi heimsókn var í tilefni skákdagsins sem haldinn er hátíðlegur 26. janúar ár hvert til heiðurs Friðriki Ólafssyni stórmeistara í skák.
Lesa meira
25.01.2023
Nemendur í 6. bekk voru að klára að læra um sólkerfið en lokaverkefnið þeirra snérist um að búa til líkan af sólkerfinu í réttum hlutföllum við sólina. Nemendur voru einstaklega áhugasamir og vinnusemi var til fyrirmyndar. Verkefnið vakti mikla lukku og upp spruttu miklar umræður um fjarlægð og stærð sólkerfisins ásamt vangaveltum um af hverju tunglið okkar var ekki sýnilegt á líkaninu. Verkefnið byggist á verkefni frá vísindasmiðjunni sem finna má hér.
Lesa meira
25.01.2023
Heimili og skóli - landssamtök foreldra, hafa aukið við þjónustu sína og eru farin að bjóða upp á Foreldrasíma Heimilis og skóla. Foreldrasíminn er hugsaður fyrir foreldra og fagfólk til að fá ráðgjöf og stuðning. Í Foreldrasímanum eru veittar upplýsingar um hvert skal leita með mál og ráðgjöf veitt eftir atvikum til að styðja við og efla foreldrasamstarf og jákvæð samskipti foreldra og skóla.
Lesa meira
