Fréttir

Pálína Hildur Sigurðardóttir hefur verið ráðin aðstoðarskólastjóri með sérhæfingu á leikskólastigi. Pálína Hildur lauk námi til B.Ed. gráðu í leikskólakennarafræðum við Háskóla Íslands árið 2001. Hún hefur einnig lokið námsbraut í verkefnastjórnun og leiðtogaþjálfun í Opna háskólanum við Háskóla Reykjavíkur. Pálína Hildur hefur starfað undanfarin ár í leikskólanum Ársalir sem deildarstjóri ásamt því að vera með margra ára reynslu sem kennari og sérkennari. Við hlökkum til að bjóða Pálínu Hildi velkomna til starfa þann 1. ágúst.

Fimmtudaginn 9. júní eru skólaslit við grunnskólastig Stapaskóla. Í fyrsta skipti í sögu skólans er verið að útskrifa nemendur úr 10. bekk. Athöfnin hefst á sal skólans kl.13.00. Þar verða viðurkenningar veittar fyrir góðan árangur, hrósskjöl lesin upp og vitnisburður afhentur. Foreldrar og gestir eru hjartanlega velkomnir og í lokin er boðið uppá kaffiveitingar.

Fimmtudaginn 9. júní eru skólaslit hjá grunnskólastigi Stapaskóla. Nemendur í 1., 3., 5., 7. og 9. bekk mæta á sal skólans kl.09.00. Nemendur í 2., 4., 6. og 8. bekk mæta á sal skólans kl.10.30. Að lokinni athöfn á sal fara nemendur í tvenndirnar sínar með umsjónarkennurum þar sem lesin verða upp hrósskjöl og vitnisburður afhentur. Foreldrar/forráðamenn eru velkomnir.

Foreldrum, forráðamönnum, ömmum, öfum og öllum hinum er boðið á þemasýningu á föstudaginn kl.9.00 - 11.00. Dagana 1. - 3. júní eru nemendur frá 5 ára til 16 ára að vinna að fjölbreyttum verkefnum í samvinnu árganga á milli. Þemað í ár eru heimsálfurnar þar sem markmiðið er að efla skólabrag, ýta undir sköpun, gleðjast saman í námi sem tengist áhuga nemenda, kynnast betur, efla vináttu og virðingu nemenda á milli, vera virkur þátttakandi í skólasamfélaginu og leyfa nemendum að nýta styrkleika sína.

Myndalegur hópur nemenda útskrifaðist af leikskólastigi Stapaskóla miðvikudaginn 25. maí. Við athöfnina talaði Gróa skólastjóri til barnanna og börnin sungu nokkur lög sem þau hafa verið að æfa. Við útskriftina fékk hvert barn afhent tré til að gróðursetja heima og útskriftarskjal. Að lokum var boðið upp á veitingar. Við óskum börnunum til hamingju með áfangann og velfarnaðar í framtíðinni og um leið fjölskyldum þeira gott samstarf og ánægjuleg kynni.

Við fengum skemmtilega heimsókn 18.05.2022. Stefán Bergsson skákmeistari kom í heimsókn og tefldi fjöltefli við nemendur skólans. Þátttaka nemenda var mjög góð og allir reynslunni ríkari eftir fjölteflið. Stefáni færum við bestu þakkir fyrir að koma til okkar :)

Mánudaginn 30. maí er starfsdagur á leik- og grunnskólastigi við Stapaskóla. Eins og kom fram í tilkynningu til foreldra var starfsdagur færður frá 16. maí til 30. maí. Á morgun er uppskeruhátíð teymiskennslu og málstofur.