Fréttir

Föstudaginn 19. maí fór fram íþróttadagur Stapaskóla. Þar keppa árgangar sín á milli um stapabikarinn. Keppt er í 12 greinum t.d. púsl, bandý, pokahlaup, boðhlaup, negla nagla og fl. Óskasteinn, elstu börnin á leikskólastigi, tóku þátt með grunnskólastiginu og stóðu sig svakalega vel og fengu viðurkenningarskjal í lok dags.

Föstudaginn 12. maí er starfsdagur á leik- og grunnskólastigi. Það er því enginn skóli hjá nemendum og frístundaheimilið er lokað. Við sjáumst svo hress og kát mánudaginn 15. maí. // Friday the 12th of May is teacher work day at the primary school level. The school and the after-school program are therefore closed for students. See you back on Monday the 15th of May.

Þann 9. ágúst hefst sumarfrístund fyrir þá nemendur sem fara í 1. og 2. bekk haustið 2023. Starfsemin er frá kl. 9.00 - 15.00 alla virka fram að skólasetningu. Börnin fá hádegismat og síðdegisnesti en taka með nesti til að borða fyrir hádegi. Starfsemin fer fram í stofum 1. og 2. bekkjar.

Nemendur okkar í Skólahreystiliðinu náðu glæsilegum árangri í undankeppni Skólahreysti í gær. Liðið sigraði sinn riðil og tekur þ‏ar af leiðandi þ‏átt í úrslitakeppninni sem fer fram þ‏ann 20.maí. Við óskum nemendum okkar þeim Leonard, Völu, Jens, Júlíönu, Írisi og Gísla til hamingju með árangurinn.

Í dag, miðvikudaginn 3. maí klukkan 20:00 keppir lið Stapaskóla í Skólahreysti. Keppnin fer fram í Laugardalshöllinni og verður hægt að fylgjast með henni í beinni útsendingu á RÚV. Rúta með stuðningsmönnum af unglingastigi skólans fer frá skólanum kl. 18:15 (ath. nemendur hafa þegar skráð sig í rútuna). ÁFRAM STAPASKÓLI...!!!

Sunnudagurinn 30. apríl er Stóri plokkdagurinn. Í tilefni þess fóru nemendur í 2. bekk saman út og skoðuðu skólalóðina með augum náttúrunnar. Þau merktu alla staði sem eru náttúrulegir á lóðinni og skoðuð hvernig gróðurinn var farinn og hvort við þurfum ekki að huga betur að honum. Á sama tíma safnaði hópurinn öllu rusli sem þau fundu. Þau greindu tegundir ruslins niður eftir flokkunarreglum sem þau leituðu eftir á vefnum og flokkuðu allt samviskusamlega. Að lokum tóku þau upp myndband af sér útskýra hvað þau fundu og ræddu sína skoðun á skólalóðinni okkar með tilliti til náttúrunnar.