Náms- og starfsráðgjöf

Námsráðgjafi vinnur ásamt öðru starfsfólki skóla að ýmsum velferðarmálum er tengjast námi, líðan og framtíðaráformum nemenda. Námsráðgjafi vinnur bæði með einstaklinga og hópa.

Samkvæmt aðalnámskrá grunnskóla er hlutverk hans að vinna með nemendum, foreldrum, kennurum, skólastjórnendum og öðru starfsfólki skólans að ýmiss konar velferðarstarfi er snýr að námi, líðan og framtíðaráformum nemenda. Náms- og starfsráðgjafi er trúnaðarmaður og talsmaður nemenda. Aðstoð náms- og starfsráðgjafa beinist að því að auka þekkingu nemenda á sjálfum sér, viðhorfum sínum, áhuga og hæfileikum þannig að nemendur fái betur notið sín í námi og starfi og auðveldi ákvörðun um nám og starf að loknum grunnskóla.

Náms- og starfsráðgjafi skipuleggur náms- og starfsfræðslu og sér um einstaklings- og hópráðgjöf. Náms- og starfsráðgjafi situr í lausnateymi, eineltisteymi og nemendaverndarráði og tekur þátt í vinnu annarra nefnda eða hópa sem snúa að velferð og framtíðaráformum nemenda.

Náms- og starfsráðgjafi Stapaskóla er Ljiridona Osmani,
netfang: ljiridona.osmani@stapaskoli.is