Fréttir

Föstudaginn 5. nóvember er starfsdagur hjá grunnskólastigi í Stapaskóla. Það er því enginn skóli hjá nemendum og frístundaheimilið er lokað. Friday November 5th is a teachers work day at the primary school level in Stapaskóli. Therefore there is no school for students and the leisure center is closed.

Á vordögum tóku starfsmenn, nemendur og atrkitektar þátt í Evrópskri rannsókn á vegum Menntavísindasviðs Háskóla Íslands sem snýr að því að skoða framsækið skólaumhverfi. Markmiðið var að greina hvort og þá hvernig áætlanir um framsækið skólaumhverfi hafi náð fram að ganga út frá ólíkum sjónarhornum. Framkvæmdin fór þannig fram að hópur fólks gekk um skólann með matslista og skráði hjá sér athugasemdir. Í kjölfarið var haldinn fundur og rætt saman. Verkefni heitir Collaborative Redesign with schools og ef þið viljið kynna ykkur betur getið þið farið inn hér. Nú er komin út skýrsla rannsóknarinnar. Við hvetjum ykkur að skoða hana. Þið farið inn á hana hér.

Þann 20. október birtist grein um skólastarf í Stapaskóla í Skólaþráðum sem er tímariti samtaka áhugafólks um skólaþróun. Þar fjallar Gróa skólastjóri um upphafið, skólabygginguna og kennslufræði skólans. Fyrir þá sem vilja kynna sér betur skólastarfið þá geta þeir lesið greinina hér.

Á laugardaginn var haldin opnunarhátíð Stapaskóla þar sem gestum og gangandi var boðið að koma og skoða skólabygginguna. Dagurinn hófst á formlegum erindum og tónlistaratriðum þar sem nemendur Stapaskóla léku á hljóðfæri og sungu fyrir gesti. Helgi Arnarson fræðslustjóri hélt ávarp og Jón Jónsson tónlistarmaður lokaði dagskránni með miklum krafti. Það var virkilega gaman að sjá allan þann fjölda gesta sem gerði sér dagamun og kom til að kynnast framsæknu skólastarfi Stapaskóla. Gestir gátu spurt kennara og stjórnendur út í kennslufræði og skólastarfið almennt ásamt því að ganga um skólann í fylgd arkitekta frá Arkís. Skólastarf við Stapaskóla er framsækið með öflugt skólafólk sem er að stíga sín fyrstu skref í að skapa framúrskarandi skólastarf fyrir börn og ungmenni í hverfinu. Skólastarf sem býður upp á frelsi og sköpun í vinnu sem og verkefnaskilum. Teymisskennsla er höfð að leiðarljósi og má með sanni segja að í starfsmannahópnum ríki mikill kraftur og vilji til að skapa umhverfi þar sem vellíðan nemenda er höfð að leiðarljósi. Við þökkum öllum sem komu fyrir áhugann og stuðninginn við vöfflusölu nemenda í 10. bekk. Gróa Axelsdóttir Skólastjóri

Ungmennafélögin UMFN og Keflavík bjóða í sameiningu upp á námskeið í knattspyrnu og körfubolta fyrir börn á aldrinum 6 - 13 ára með mismunandi stuðningsþarfir. Við hvetjum foreldra að kynna sér.

Á laugardaginn 23. október höldum við veislu og bjóðum gestum í heimsókn til að skoða fallegu og framsæknu skólabyggingu okkar. Dagskrá hefst kl.11.00 þar sem flutt verða tónlistaratriði frá Tónlistarskóla Reykjanesbæjar, nemendur úr 2. bekk flytja söng, ávarp frá Helga Arnarsyni fræðslustjóra og tónlistarmaðurinn Jón Jónsson kemur. Nemendur og foreldrar í 10. bekk munu selja kaffi og vöfflur í fjáröflunarskyni fyrir vorferð. Við hlökkum til að sýna og segja ykkur frá því frábæra skólastarfi sem er í gangi við Stapaskóla.

Skólablak eru blak viðburðir fyrir grunnskóla krakka í 4.-6. bekk um allt land. Hópurinn fer hringinn í kringum landið og er með svæðisbundinn blakmót með það fyrir markmiði að kynna blak fyrir krökkum og kennurum sem íþrótt. Níu nemendur úr 4. bekk tóku þátt í skólablakmóti í Reykjanesbæ í gær. Allir skemmtu sér konunglega og má með sanni segja að nemendur hafi verið Stapaskóla til sóma. Við hvetjum alla til að fylgjast með næsta þætti af Landanum sem kíkti við og tók viðtal við tvo af okkar nemendum.

Í október hófst nýtt heimanáms skipulag í 7.- 10. bekk: Skapandi heimanám. Í hverri viku geta nemendur valið úr nokkrum verkefnum sem þeir hafa eina viku til að vinna heima og skila til kennara. Í verkefnunum er lögð áhersla á að nemendur þjálfi lykilhæfni og nýti sköpunarkrafta sína á fjölbreyttan hátt. Í fyrstu atrennu voru eftirfarandi verkefni í boði: Heimanáms ratleikur (nemendur fara út í ratleik með appinu Actionbound) Hvað meira segja peningarnir okkar (hugtök sem tengjast fjármálalæsi æfð í forritinu Quizlet) Orðabók heimilisins (myndir teknar af margvíslegum hlutum á heimilinu og nöfn þeirra skráð á þremur tungumálum) Líkamstjáning (sjálfur teknar þar sem ólík líkamstjáning birtist, útskýrt hvað tjáningin þýðir) People watching (enskuverkefni þar sem skrifaðar eru persónulýsingar á fólki sem labbar framhjá heimilinu) Sérfræðingurinn #1 (rannsókn á risaeðlum) Spilafjör (nemendur spila með góðum vinum og segja frá spilinu og úrslitum) Verkefnin hafa vakið mikla athygli nemenda sem margir bíða spenntir eftir að fá verkefnalýsingar til sín á Teams svo þeir geti byrjað að vinna.

Á unglingastigi eru unnin samþætt verkefni þrisvar í viku og þá blandast 7.- 10. bekkingar saman í fjölbreyttum verkefnum. Fyrir vetrarfrí klára nemendur fjórða Stapamixið í haust og það heitir „Hugurinn ber þig hálfa leið“. Í þessu Stapamixi hafa nemendur fengist við verkefni á sviðið siðfræði og heimspeki. Þeir hafa lært um rökvillur og muninn á gagnrýnum og ógagnrýnum manneskjum. Þeir hafa unnið myndasögur og myndbönd um hið góða líf og jákvæð samskipti. Síðast en ekki síst æfðu allir sig í samræðu og ræddu m.a. hvaða reglur mikilvægt er að hafa í samræðu til að hún verði góð og lærdómsrík. Verkefni nemenda eru innihaldsrík og falleg. Samtöl þeirra í verkefnavinnunni hafa sömuleiðis verið markviss og lærdómsrík. Nemendur hafa pælt í hlutum eins og: Myndi ég vakna á sama tíma og venjulega á fullkomnum degi? Er mikilvægt að gefa öðrum tækifæri á að tjá sig í samræðum? Eykur það hamingjuna að taka upp hundaskít? Eða ekki? Er gott að fara einn í bíó? Með fréttinni fylgja myndir af verkefni Elínar Sabrinu í 10. bekk um venjulegan og fullkominn dag í lífi hennar.

Mánudaginn 18. október er vetrarfrí í skólanum á báðum skólastigum og skólinn því lokaður. Þriðjudaginn 19. október er vetrarfrí á grunnskólastigi og starfsdagur á leikskólastigi, skólinn er því lokaður nemendum þann dag einnig. Við hvetjum fjölskyldur að gera sér dagamun og njóta samverunnar í vetrarfrí okkar. On Monday October 18th there is a winter break at both school levels and the school is closed. On Tuesday October 19th there is a teachers work day at the preschool level and winter brake at the Primary school level, school is therefore closed for students. We encourage families to take time to enjoy the time together.