Fréttir

Miðvikudaginn 15. desember var uppskeruhátíð á verkefni sem nemendur í 7.-10. bekk unnu að frá enda nóvember. Verkefnið ber nafnið Vísindavaka og er markmið okkar að hún verði haldin árlega seinustu vikurnar fyrir jól. Verkefnið er stórt en í grunninn miðar það að því að efla ferli vísinda ásamt því að auka jákvæðni gagnvart náttúrugreinum. Verkefnið hefur fengið nafnið Stapavaka. Stapavöku er skipt upp þannig að ákveðin hluti er unninn í hverri viku sem skilað er inn til kennara sem veita leiðsögn og hvatningu þegar þess þarf. Nemendur mega velja hvort þeir vinna að þessu verkefni sem einstaklingar eða í hópum. Viðfangsefni eru frjáls er mikilvægt að skoða rannsóknarspurningu og leita svara við henni í gegn um ferlið. Þeir sem svo vildu gátu farið alla leið og tekið þátt í Stapavökukeppni þar sem tilraun var tekin upp í myndveri sem frábær nemendahópur sá alfarið um. Í myndverinu var sagt frá hvað væri að gerast á sama tíma og öllu lýst. Afrakstrinum var komið til dómnefndar sem fór yfir öll myndböndin áður en hún mætti á svæðið og heyrði í keppendunum sjálfum. Dómnefndin að þessu sinni var skipuð Helga Arnarsson, fræðslustjóri Reykjanesbæjar, Magnús Þór Jónsson, formaður KÍ og Sævar Helgi Bragason, Stjörnu Sævar. Dómnefndin veitti verðlaun fyrir 1., 2. og 3 sæti. Í 1. sæti voru Elín Sabrina M. Rúnarsdóttir, Matthildur Emma Sigurðardóttir og Emilía Sandra Eiðsdóttir í 10 bekk með tilraun um eldflaugar. Í 2. sæti voru Viktor Breki Þórisson, Alex Grétar Magnússon og Jón Unnar Sverrisson í 8 bekk með tilraun um vatnsþrýsting. Í 3 sæti voru Amelía Sara Kamilsdóttir, Rannveig Jónsdóttir, Hrönn Jónsdóttir í 7 bekk með tilraunina um lavalampa ásamt Heiðar Darri Hauksson í 9 bekk með tilraun um líkindatengsl foreldra og barna. Við óskum öllum sigurvegurum til hamingju og þökkum dómnefnd kærlega fyrir störf sín. Samhliða Stapavöku var haldin keppni fyrir þá sem vildu að hanna logo fyrir Stapamix, kennslu þvert á námsgreinar, sem nemendur eru í 3 í viku í eldri deild. Merkið sem var valið er eftir Kristinn Inga Eyjólfsson, í 9 bekk, við óskum honum innilega til hamingju.

Í dag héldum við í 1.bekk 100 daga hátíð þar sem hundrað dagar eru liðnir frá því að börnin hófu grunnskólagöngu sína. Börnin fengu viðurkenningarskjal ásamt því að við fórum í skrúðgöngu um skólann, horfðum á bíómynd og fengum frostpinna.

Undanfarið hefur ýmislegt nýtt verið gefið út í tengslum við mataræði og nú síðast var verið að gefa út Ráðleggingar um morgunnesti grunnskólanema. Hér kemur smá yfirlit um ráðleggingar á mataræði barna Ráðleggingar um morgunnesti Við viljum með þessum ráleggingum vekja athygli á mikilvægi þess að vera með hollt morgunnesti o.s.frv. Við vonum að ráðleggingarnar séu góð viðbót við það sem þið hafið þegar verið að vinna með í tenglum við mataræði í Heilsueflandi grunnskóla. Hér má sjá skjal með ráðleggingunum. Ráðleggingar um morgunnesti grunnskólanema. Ráðleggingar um grunnskólamötuneyti Hér má sjá Handbók fyrir grunnskólamötuneyti. Ráðleggingar um síðdegishressingu Síðdegishressing í heilsdagsskólum, frístunda- og æskulýðsstarfi Að lokum bendum við ykkur á myndbönd sem fjalla um neikvæð áhrif orkudrykkja á líðan og heilsu. Draumur í dós – á Ungrúv Hér má sjá Draumur í dós Lára Sigurðardóttir, læknir og lýðheilsufræðingur er höfundur og hélt utan um gerð myndbandanna en þau eru einnig unnin af hópi sérfræðinga sem eru; Þórhallur Ingi Halldórsson, prófessor í næringarfræði við Háskóla Íslands, Jóhanna Eyrún Torfadóttir, verkefnastjóri næringar hjá embætti landlæknis, Lárus S. Guðmundsson, dósent við lyfjafræðideild Háskóla Íslands , Magnús Jóhannsson, prófessor í lyfjafræði við Háskóla Íslands. Bragi Valdimar Skúlason stílfræði textann í myndböndunum. Sigrún Hreins teiknaði, hannaði og leikstýrði myndböndunum og Helga Braga Jónsdóttir las inn á myndböndin. Myndböndin voru styrkt af Lýðheilsusjóði.

Þriðjudaginn 25. janúar er samtalsdagur á grunnskólastigi og skertur nemendadagur. Nemendur mæta í rafrænt samtal með foreldri/rum. Frístundaheimilið Stapaskjól er opið fyrir þá nemendur sem eru skráðir. Á leikskólastigi er starfsdagur og frí hjá nemendum.

Leikskólastig Stapaskóla verður lokað frá og með 4. júlí nk. til og með 5. ágúst 2022, vegna sumarleyfa barna og starfsfólks í skólanum.

Nú spáir frekar vondu veðri á morgun, miðvikudaginn 5. janúar. Við biðjum foreldra að fylgjast vel með veðurspám og vera viðbúin að þurfa að sækja börnin þegar skóla lýkur ef veðurspá gengur eftir. Þegar veðurspár gefa til kynna að óveður sé í aðsigi á Suðurnesjum fylgjast Lögreglan og Almannavarnir gaumgæfilega með, hafa samstarf við skólana og gefa út viðvaranir til almennings, gerist þess þörf. Mikilvægt er að foreldrar sjálfir fylgist með veðri og veðurspám og hagi sér í samræmi við aðstæður hverju sinni. Foreldrar leggja sjálfir mat á hvort fylgja þarf barni í og úr skóla þótt engin tilkynning hafi borist frá yfirvöldum. Meti foreldrar aðstæður svo að ekki sé óhætt að börn þeirra sæki skóla þá skulu þeir tilkynna skólanum um það og lítur skólinn á slík tilvik sem eðlileg forföll. Við slíkar aðstæður eru skólarnir opnir og þar er öruggt skjól fyrir börnin. Tilkynning frá lögreglunni á Suðurnesjum: Á miðvikudaginn er von á vægast sagt mjög djúpri lægð sem mun heldur betur láta okkur Suðurnesjamenn vita af sér og kemur með hvelli. Fræðingarnir segja þetta með dýpst lægðum sem sést hafa við Íslands strendur og viljum við því vera tímanlega með láta ykkur vita af þessu þar sem ekkert ferðaveður verður á þessu tímabili standist þessi spá. Vonandi eru allir búnir með jólaafgangana og því kjörið að fara út á morgun og tryggja allt lauslegt, henda svo í góðan kakóbolla og ilmandi hjónabandssælu og vera klár í veðrið. Því viljum við biðla til ykkar að ganga frá öllu við ykkar byggingar s.s ruslatunnum og öðru lauslegu sem getur fokið og valdið tjóni. Passa upp á að allir gluggar og hurðar séu lokaðar. Endilega að vera tímanlega þannig að hægt verði að bregðast við ef eitthvað þarf að gera áður en veðrið skellur á. Ef eitthvað tjón verður vegna veðurs og þið þurfið á aðstoð að halda þá á að hringja í 112. Við höfum enga burði til að bregðast við þegar kemur að tjóni vegna veðurs. Við munum koma þegar veður hefur lægt.

Við óskum nemendum og fjölskyldum þeirra gleðilegrar hátíðar og farsældar á nýju ári. Þökkum samstarfið á árinu og hlökkum til gleðilegra stunda á nýju ári. Starfsfólk Stapaskóla

Jólasamvera 1. – 6. bekkjar var á sal skólans í gær, 16. desember. Þessum sið var komið á þegar skólinn var enn í bráðabirgðarhúsnæðinu og við höfum haldið áfram hér í nýju byggingunni. Hver árgangur setur saman skemmtiatriði og stígur svo á stokk í jólasamverunni. Í ár var mikið um söngatriði, má þar m.a. nefna lög og kvæði eins og Jólaköttinn, Kveikjum einu kerti á, Jólahjól, Grýlukvæði og Snjókorn falla. Auk þess sem sýnd voru dansatriði. Mjög skemmtileg og hátíðleg stund rétt fyrir jólafríið.