Skólaþing Stapaskóla - 16. mars 2023

Skólaþing Stapaskóla verður haldið í fyrsta sinn fimmtudaginn 16. mars nk. kl. 08:30 á sal skólans. 

Að þessu sinni verða áherslur umræðunnar á námsumhverfi, kennsluhætti og samskipti heimilis og skóla.

Skólaþingið er tilvalinn vettvangur fyrir þá sem hafa áhuga á skólastarfi. Þar verður möguleiki á að koma með hugmyndir um hvernig hægt er að efla skólastarfið og þróun skólans.

Allir sem hafa áhuga á skólastarfi eru hvattir til að mæta og taka þátt í umræðum. Við hvetjum foreldra sérstaklega til þess að koma og eiga með okkur góða stund í þágu nemenda. Það verður heitt á könnunni og léttar veitingar.