Frístundaheimilið Stapaskjól opnar 9. ágúst fyrir börn fædd 2015 og 2014

Frístundaheimilið Stapaskjól opnar frá 9. ágúst til skólasetningar fyrir tilvonandi nemendur í 1. bekk auk tilvonandi nemenda í 2. bekk. Um leið verður ekki lengur í boði fyrir börn fædd 2015 að koma aftur inn á leikskólann sinn eftir að sumarleyfi lýkur. Markmiðin með þessari opnun eru m.a. að brúa bilið milli leik- og grunnskólagöngu nemenda, að aðlögun nýrra leikskólabarna geti farið fram fyrr en hefur verið og að aðlaga tilvonandi 1. bekkinga í grunnskólann sinn.

Opnunartíminn verður frá 8:00 – 15:00. Börnin fá morgunhressingu, hádegismat og síðdegisnesti og því ekki þörf á því að senda þau með nesti.

Boðið verður upp á að skrá börnin annað hvort allan daginn eða fyrir hádegi.

Sjá nánar á vef Reykjanesbæjar

Skráning er hafin og fer fram í gegnum www.mittreykjanes.is og er skráning fyrir þetta tímabil ótengd skráningu fyrir frístundaheimilin eftir að skólastarf hefst. Gert er ráð fyrir því að foreldrar séu búnir að skrá börnin sín fyrir 26. mars.